Um EvR

Endamál

Evangeliska Røddin (EvR) er sjálvstøðugur stovnur við tilknýti til brøðrasamkomurnar í Føroyum.

EvR byrjaði virksemi sítt í 1966, tá ið farið varð undir at senda útvarpssendingar frá Trans World Radio í Monte Carlo.

Sendar vóru stuttar evangeliskar sendingar, 15 minuttir við sangi og talu, einaferð um vikuna. Sendingarnar vóru ætlaðar føroyingum í langfarasigling ella búsettir langt heimanífrá; men eisini vóru nógvir trúgvir lurtarar í Norðurlondum og í Føroyum, og vit frættu regluliga frá lurtarum sum Harrin hevði signað gjøgnum boðskapin.

Tíðir broytast og EvR gavst at senda frá Trans World Radio í 1990, meðan annað virksemi helt fram og nýggir tættir vórðu tiknir upp.

Ynski okkara er at alt verkið í Evangelisku Røddini verður gjørt til æru Harrans eina, at trúgvandi verða uppbygd, og fram um alt, at sálir verða frelstar.

Grundsjónarmið okkara er, sum Paulus sigur í Áp. 20.27, ”at kunngera alt ráð Guds”.

Nevnd

Hesir manna nevndina í Evangelisku Røddini:

Jógvan Hammer	Tórshavn
Øssur Andreasen	Tórshavn
Poul Johan Djurhuus	Glyvrar
Jón Berg	Klaksvík
Alexander Samuelsen	Tórshavn
Klæmint Weihe	Tórshavn
Eirikur Norðberg	Vágur

Virksemi

RADIO
Høvuðsvirksemið hjá Evangelisku Røddini (EvR) er regluligar útvarpssendingar á radio.fo-sendistøðini, sum hoyrist um allar Føroyar.

Sent verður á radio.fo – FM102

”Kelduvaðið”	Sunnukvøld	kl. 21.00  –  Endursent hóskvøld kl. 21.00
”Á Torginum”	Týskvøld	kl. 21.00  –  Endursent sunnudag kl. 12.30

FLØGUR
EvR fæst eisini við at geva út fløgur við góðum andaligum sangi og tónleiki. 
Í dag verða sett stór krøv til dygdina, bæði tónlistarliga og tekniskt; hesi krøv royna vit at nøkta.

NETVARP
EvR netvarpar eisini ymisk tiltøk beinleiðis, so sum evangeliskar stevnur, fundir og annað ið hevur almennan áhuga.
Síðan Korona-farsóttin tók seg upp á Grækarismessu 2020 eru nógv almenn tiltøk avlýst og flestu samkomuhús hava ofta verið afturlatin.
Hesa tíðina hevur EvR netvarpað nógv møtir og onnur tiltøk, serliga úr Ebenezer. Hesi møti liggja á netinum og kunnu síggjast og hoyrast við at trýsta á reyða knøttin “Netvarp” her omanfyri og síðan á “Videoer”.

Sjálvboðin taka sær av øllum virksemi í Evangelisku Røddini, og alt verður gjørt við orðum Paulusar í Áp.20.27 í huga: “at kunngera alt ráð Guds”.

Bústaður

EvR Studio

Box 1314 – FO-110 Tórshavn – V-tal: 328782 – postur@evr.fo

Kontonummar í Bank Nordik: 6460-2003750

Klæmint Weihe – kw@email.fo – +298 216644

Jógvan Hammer – jogvan@hammer.fo – +298 511616