Nýggja Sangbók Guds Fólks – Nýggj heimasíða og app
Nýggja Sangbók Guds Fólks, ið varð givin út í 2015, er nú tøk sum heimasíða og sum app til snildfon og teldil. Í bókini eru 1504 sangir, allir á føroyskum og býttir upp í 21 deildir. Nýggja heimasíðan og appin hava allar sangtekstirnar í bókini og eisini ber til at leita uppá nummar ella tekst í sangum. Tað ber eisini til at ynda sangir so teir koma á eins egna lista sum yndissangir.
Í fororðunum í bókini stendur millum annað:
– Allur andaligur sangur hevur sín uppruna í lovsongi til Harran og er sprottin av takksemi fyri alt tað, sum hann hevur gjørt fyri eina falna mannaætt. Hesin andaligi sangurin hevur havt ómetaliga stóran týdning og verið til ríka signing – eisini her í Føroyum.
Vónandi verður henda nýggja miðlingin av Nýggju Sangbók Guds Fólks eisini til signing fyri mong.
Leinkja til nýggju heimasíðuna:
https://www.nsgf.fo/
Appin eitur NSGF ella Nýggja Sangbók – Guds Fólks
