ZACHARIAS FARIN

Í gjár andaðist Zacharias Zachariassen í Norðragøtu, 82 ára gamal. 

Zacharias var í næstan seksti ár trúboðari innan brøðrasamkomurnar í Føroyum. Frá 1958 og trý ár fram var hann undir útbúgving á Moorlands bíbliuskúlanum í Onglandi, og síðani hevur hann virkað í Føroyum og eisini uttanlands. 

Umframt at ferðast kring oyggjarnar og halda møtir fekst Zacharias nógv við skrivligt arbeiði. Saman við bróðrinum Flóvini hevði hann Forlagið Leirkerið, sum gevur tíðarritið Leirkerið út.

Harumframt gav forlagið eina rúgvu av bókum og bóklingum út. Zacharias skrivaði fleiri bøkur, og forlagið hjálpti nógvum øðrum við handritum og útgávum. 

Zacharias hevur yrkt og umsett eina rúgvu av sangum og kórum. Hann var musikalskur og gav fyri næstan seksti árum síðani fyrstu plátuna út. Sangir hjá honum eru at hoyra á útgávum hjá so mongum øðrum.

Kelda: in.fo  Eyðun Klakstein 22.08.2017 (11:35)

Andlát
Zacharias Zachariassen, trúboðari, úr Norðragøtu, andaðist mánadagin 21. august, 82 ára gamal.
Kistan fer úr Landssjúkrahúskapellinum fríggjadagin kl. 17.
Jarðarferðin verður úr Filadelfia í Gøtu leygardagin kl. 13.
Minnisgáva kann latast Zarepta, konta í peningastovnunum.

Á Torginum 22. august á R7

Á Torginum týskvøldið 22. august kl 21 á R7.

Hjálpt úr neyð - Absalon Absalonsen skrivaði og Hjørdis Háberg Petersen lesur.

Eisini verður góður sangur at hoyra.

Eirikur Norðberg leggur til rættis.

Sendingin verður endursend sunnudag kl 12.30

R7 hoyrist um alt landið.

Talgilding av savninum hjá EvR

Evangeliska Røddin byrjaði sítt virksemi í 1966, og tá vóru allar upptøkur gjørdar á spolabond. Ígjøgnum árini eru bondini blivin nógv í tali, og formatini eru ymisk: spolabond, casette, DAT, MiniDisc o.s.v.

Les meira

Kelduvaðið 20. august á R7

Sunnukvøldið 20 august kl. 20 á R7 sum hoyrist um alt landið.

Fyrri partur av seinasta møtinum á Samfelagsstevnuni í Klaksvík.

Tala:  Svenning av Lofti - “Náði Guds er opinberað.” (Titus 2,11)

Vitnisburður:  Ewelina Joensen.

Upptøka: EvR Klaksvík. 

Endursent verður hóskvøld kl. 21.

mynd: Dávur Winther

Copyright © 2017 Evangeliska Røddin. Øll rættindi ognað.
Forritað hevur Menning.fo